ROXAS CITY – Pilason ang mag-utod matapos nga ginaalegar nga ginlampusan sang matig-a nga bagay kag ginbuno sang mag-amay sa Sitio Magalan, Barangay Sagrada Familia, Dumarao Capiz.
Ginkilala ang mga biktima nga sanday Michael Dela Torre kag Marvin Dela Torre lunsay mga residente sang amo nga lugar.
Sa interview sang Bombo Radyo kay Police Lt. Bonifacio Galvez sang Dumarao Municipal Police Station nga problema sa duta ang ginhalinan sang kinagamo.
Ginpahayag sini nga samtang nagalakat papuli ang mga biktima, ginaalegar nga nasugat-an nila ang mag-amay nga Romeo Bagaforo Jr., kag 16-anyos nga bata sini kun sa diin hinali nga ginlampusan sang menor de edad si Marvin sa ulo sang matig-a nga bagay.
Nagpangayo naman sang bulig si Michael kay Marvin apang gilayon ini ginbuno ni Bagaforo sa nawala sini nga paa.
Gilayon naman nga nagpangayo sang bulig ang mga biktima sa mga opisyal sang ila barangay apang madasig naman nga nagpalagyo ang mga suspek.
Gilayon naman nga gindala ang mga biktima sa Dao District Hospital para sa nagakaigo nga pagbulong.
Natigayon pa nga makapangayo sang bulig ang mga biktima sa mga opisyales sang barangay apang nakapalagyo ang mag-amay.
Sa karon padayon nga ginabulong sa Dao District Hospital ang nasambit nga mga biktima.
Ginaalegar nga may yara sang daan nga hiligut-anon ang magtimbang nga grupo.
