ROXAS CITY –Pilas sa tangkugo kag kamot ang naangkon sang isa ka magulang nga ginlabo sang manghod sa Barangay Batabat, Maayon, Capiz.
Ginkilala ang biktima nga si Mario Rico 49-anyos nga padayon karon nga ginabulong sa ospital, samtang ang utod nga suspek amo si Marwin Rico 35-anyos sang nasambit nga lugar.
Nagaguwa sa imbestigasyon sang Maayon Municipal Police Station nga hubog sang nagpauli sa ila balay ang suspek sa diin nakaangkon sila sang mainit nga diskusyon sang biktima tobtob nag-away sang magulang
Una nga ginlabo sang biktima ang suspek, apang nakalikaw ini tobtob nakuha ang sanduko sa iya nga magulang.
Sa pihak nga ang suspek ang rason sang pag-angkon sang samad sang biktima, apang ini man ang nagpangayo sang bulig sa ila mga kaingud balay para madala sa ospital ang utod.
Apang kasunod sang pag-alabutan sang ila tupad balay ang pagpalagyo sang suspek.
