Mag-utod, patay matapos malumos sa sapa

Mag-utod, patay matapos malumos sa sapa

ROXAS CITY- Patay ang mag-utod nga lalaki matapos ginaalegar nalumos sa sapa sa Barangay Malag-it, Pontevedra, Capiz.

Ba-se sa inisyal nga imbestigasyon sang kapulisan, magasag-ob kuntani sang tubig sa sapa ang mag-utod nga nagapang-edaron 7 ka tuig kag 10 ka tuig sa likod sang ila nga balay.

Apang sang ginatawag na ini sang ila amay nga si Reynante Bocala, wala na sang may nagasabat sa iya mga anak.

Ginkakibot na lamang ni Bocala sang ginkadtuan ang amo nga sapa, nga nagalutaw-lutaw na ang duha ka anak kag wala na sang kabuhi.

Sa karon, nagapadayon ang imbestigasyon sang kapulisan sa natabo.