Magkahagugma nga kalaslon na kuntani, patay sa pagpangbuno sang anay karelasyon sang babaye

Patay ang magkahagugma nga kalaslon na kuntani matapos sila nga ginbuno sang anay karelasyon sang babaye sa Surallah, South Cotabato.

Base sa imbestigasyon sang kapulisan, nagapahuway ang mga biktima nga sanday alyas Nene kag Boboy sa sulod sang ila balay sa Barangay Molo.

Ginsulod sang suspek nga si alyas Tonton ang balay kag ginpangbuno ang mga biktima.

Aga na sang matukiban ang bangkay sang magkahagugma.

Gilayon man nga nadakpan ang suspek kag nakumpiska sa iya ang isa ka bolo nga ginagamit sa krimen.

Ginalantaw sang kapulisan nga pagpangimon ang motibo sa pagpatay sa mga biktima.

Natalana pa kuntani nga kaslon ang magkahagugma sa Hunyo.