-- ADVERTISEMENT --
Patay ang magkahagugma matapos nakabunggo sa poste ang ginasakyan nila nga motorsiklo sa Cebu Transcentral highway sa Brgy. Busay, Cebu City.
Ang mga biktima amo sanday John Mike Boyonas, 27-anyos kag nobya sini nga si Rose Ann Mae Hermoso, 25-anyos.
Base sa preliminary investigation, ginaalegar nga naglikaw si Boyonas sa madasig nga salakyan apang nadulaan sang kontrol sa motorsiklo rason nga bumunggo ini sa poste.
Bangud sa kabaskugon sang impact, natumba ang duha kag nag-angkon sang malubha nga pilas nga gintunaan sang ila kamatayon.
Nahibaluan nga nagapreparar na ang duha para sa ila kasal kuntani nga natalana sa bulan sang Setyembre.
-- ADVERTISEMENT --
