ROXAS CITY – Yara karon sa kostodiya sang Provincial Environment and Natural Resources Office (PENRO) ang isa ka magkal nga nakita nagbalimbod sa isa ka poste sa Barangay Dayao, Roxas City.
Matapos nga na-rescue ang nasambit nga man-ug sang mga katapu sang Capiz Electric Cooperative (CAPELCO) kaupod ang Bureau of Fire Protection (BFP) ginsulod ini sa sako kag gindala sa barangay hall kag ginturn over sa PENRO.
Ginpahayag ni Mr. Nonilon Molina – Chief Conservation and Development Section Officer – PENRO nga posible nagaguha ang man-ug bangud mainit ang panahon.
Natalupangdan man nga maluya kag may sunog ang man-ug nga ginapatihan nakuryente.
Pananglitan mag-ayo ang nasambit nga sapat gilayon ini igabalik sa natural habitat sini.
Nagpangabay si Molina sa tanan nga makakita ukon makadakup sang kasubong sini nga mga sapat nga indi pagpatyon bangud daku ang mabulig sini sa ecology para mapabilin ang balance sang food chain.
