Sa pagpadayon sang hearing impeachment court, nagtuhaw nga may yara sang kinalain sa acquisition cost sang propiedad nanday Vice President Sara Duterte kag Atty. Manases Carpio.
Sandig sa deed of sale nga napetsahan Marso 15, 2018, P3,453,849 ang recorded acquisition cost, samtang P4,000,041 naman ang gindeklarar nga acquisition cost sa ila SALN.
Ginkwestyon naman House public prosecutor Rep. Keith Flores si Deputy Register of Deeds III Marco Pineda kon mahimo bala magkatuhay sang acquisition kag acquisition cost, nagsabat naman ini nga Yes.
Una na nga gindeklarar sang mag-asawa nga nakuha nila ang propiedad sang 2013, apang ang deed of sale ginhimo lamang sang 2018.
Bangud sini, ginbuyagyag sang hearing ang lima ka tuig nga gap sa tunga sang gindeklarar nga tuig sang pag-angkon kag sang petsa sang deed of sale sang nasambit nga propiedad.
