ROXAS CITY – Napasakaan na sang kaso nga paglapas sa RA 9165 ukon Comprehensive Dangerous Drugs Act of 2002 kag RA 10591 ukon Illegal possession of Firearms and Ammunition ang maglive-in partner nga nagpositibo sa iligal nga droga matapos nadakpan sa ginkasa nga drug buy bust operation sang mga katapo sang Station Drug Enforcement Team (SDET) sang Roxas City PNP sa Sitio Cassandra, Barangay Punta Tabuc, Roxas City.
Matandaan nga ginkilala ang mga persona nga sanday Jeramae Valencia, kag live-in partner sini nga si Omar Arandez, lunsay sa legal nga pang-edaron kag residente sang nasambit nga lugar, kag anay mga na preso bangud sa iligal nga buluhaton.
Nakuha sa kontrol kag posesyon sang duha ang napulo tanan ka sachets sang shabu, P500 nga buy bust money, 1 ka unit sang homemade shotgun, 3 ka bala sang 12-gauge shotgun kag 1 ka bala sang .45 calibre nga armas-luthang.
Sa karun, nagapabilin sa kustodiya sang Roxas City PNP ang maglive-in partner para sa nagakaigo nga disposisyon.
