Ginhatagan pagtamod ni House Speaker Faustino “Bojie” Dy III ang importansya sang madasig nga pagpasar sang Magna Carta para sa mga Barangay agud mahatagan sang nagakaigo nga proteksyon kag suporta ang mga barangay officials, nga iya ginakabig nga “true frontliners” sang gobyerno.
Sa hearing sang House Committee on Local Government sang Huwebes, gin-promote ni Dy ang House Bill No. 3533.
Tinutuyo sang nasambit nga hagna nga mapataas ang sweldo kag benepisyo sang mga Punong Barangay, Kagawad, SK officials, kag iban pa nga barangay staff.
Ginpahayag ni Speaker Dy nga bilang mga anay Kapitan, Alkalde, kag Gobernador, ang mga opisyal sang barangay amo ang una nga ginadangpan sang mga tawo sa tion sang krisis kag nagaserbe nga kaupod sa pagpatuman sang kasuguan kag katawhay.
Magluwas sa pagtaas sang sweldo, nagatuyo man ang Magna Carta nga masiguro ang pag-angkon sang nagakaigo nga mga barangay hall kag health centers sa tagsa ka komunidad.
Kumpiyansa namn ang Speaker nga maga-usad ang hagna sa ika-20 nga Kongreso para sa kaayuhan sang mga lokal nga lideres sa idalum sang panan-awan sang Bag-ong Pilipinas.
