-- ADVERTISEMENT --
Narekord ang magnitude 5.4 nga linog malapit sa banwa sang Sto. Domingo, Albay sang gab-i, suno sa Philippine Institute of Volcanology and Seismology (PHIVOLCS).
Ang linog nagluntad mga alas 9:58 sang gab-i nga may kadalumon nga 10 kilometers.
Ginalauman sang ahensya ang posibilidad sang aftershocks kasunod sang linog. Nagpaandam man ini nga posible may halit sa pila ka mga lugar nga apektado sang pagtay-og.
Padayon ang monitoring sang PHIVOLCS sa sitwasyon kag nagahingyo sa publiko nga mangin alerto kag magsunod sa mga paandam sang mga lokal nga otoridad.
