Isa ka magnitude 6.6 nga linog ang nag-igo sa Davao Occidental.
Suno sa Philippine Institute of Volcanology and Seismology (PHIVOLCS), na-record ang epicenter sang linog sa 90 kilometers southwest sang Balut Island, Sarangani sa kadalumon nga 10 kilometers.
Na-record ang Intensity V sa Kiamba, Sarangani, samtang ang Intensity IV naman ang na-record sa Don Marcelino kag Santa Maria sa Davao Occidental.
Nabatyagan man ang Intensity III sa Davao City kag Matanao, Davao del Sur, kag Intensity II sa Digos City, Davao del Sur, subong man sa Monkayo, Mawab, kag Maragusan sa Davao de Oro.
Sa instrumental intensities, ang Intensity V narekord sa Malapatan, Sarangani kag T’boli, South Cotabato.
Narekord ang Intensity IV sa Malungon, Maitum, Kiamba, kag Maasim sa Sarangani, subong man sa Tupi kag Koronadal City sa South Cotabato.
Intensity III ang nabatyagan sa Santa Maria, Davao Occidental; Tampakan, South Cotabato; kag Palimbang, Sultan Kudarat.
Intensity II ang nabatyagan sa Magsaysay, Davao del Sur; Norala, Banga, Santo Niño, kag Surallah sa South Cotabato; Lebak, Isulan, Kalamansig, kag Presidente Quirino sa Sultan Kudarat.
Intensity I narekord sa Magpet, M’lang, kag Presidente Roxas sa Cotabato, subong man sa Columbio kag Esperanza sa Sultan Kudarat.
Padayon ang monitoring sang mga otoridad sa posible nga epekto sang linog, lakip na ang aftershocks kag kahalitan sa imprastraktura. Ginapanugyanan ang publiko nga magpabilin nga alerto kag magsunod sa mga advisories sang lokal nga gobyerno kag PHIVOLCS.
