Magnitude 7.0 nga linog, nag-igo sa kadagatan malapit sa Ogasawara Islands sa Japan

Gintay-og sang magnitude 7.0 nga linog ang kadagatan west sang Ogasawara Islands sang Tokyo, Japan.

Suno sa Japan Meteorological Agency (JMA), nakit-an ang linog sa kadalumon nga ginabanta 470 kilometers.

Narekord man ang intensity 3, sa Japan seismic intensity scale nga may pinakamataas nga level 7 sa pila ka bahin sang mga isla.

Ginapatihan nga naglapta ang seismic waves sa Pacific Plate rason nga nakalab-ot sa malayo nga mga lugar ang pagtay-og.

Ginklaro sang ahensya nga wala sang tsunami nga nagluntad kasunod sang linog.