Naglab-ot na sa 14 nga mga indibidwal ang napagkit nga ginbawian sang kabuhi kadungan sa pagtay-oy sang 7.3-magnitude nga linog nga nag-igo Vanuatu.
Suno sa Local Police sang Vanuatu, ginakalakipan ini sang duha ka Chinese kag mga residente.
Magluwas sa mga napatay, masobra 200 man nga indibidwal ang pilason.
Sa karun, padayon pa ang ginahimo nga rescue kag retrieval operations sa mga pasilidad nga natiphag kung sa diin pila sa mga na-trap padayon nga nagapakig-angut sa mga rescuers.
Magluwas sa mga commercial establishment, madamo man nga public building ang narumpag kalakip na ang mga embahada, ospital, simbahan, kag iban pa.
Pahayag sang National Disaster Management Office sang Vanuatu, dako nga bahin sang capital city nga Port Villa ang nadulaan sang supply sang kuryente, tubig, kag internet connection kadungan sang mabaskog nga pagtay-og.
Kaangut sini, nagapadayon man ang aftershock nga nabatyagan sang mga residente kung sa diin ang pinakamabaskog diri amu ang Magnitude 6.1 nga nabatyagan sa capital city.
Bangud sini, madamo nga pungsod ang nag-commit sang bulig sa Vanuatu.
Sa US, nagpadala sang team ang United States Agency for International Development agud magbulig sa mga rescue kag retrieval operations. Samtang ang iban naman nga pungsod, kaangay sang Australia, France, China, kag mangin ang United Nations, naghatag na sang ila tagsa-tagsa ka mga commitment.
