Magnitude 7.4 nga linog, nag-igo sa Mexico

Gintag-oy sang magnitude 7.4 nga linog sa baybayon sang Chiapas, Mexico.

Bangud sini, nagpaguwa ang mga otoridad sang tsunami warning para sa mga lugar nga posible maapektuhan.

Suno sa USGS, ang linog natabo malapit sa Puerto Madero kag may kadalumon nga 10 kilometros.

Nabatyagan man ang linog sa Guatemala kag El Salvador.

Sa Guatemala, naggwa ang iban nga mga residente sa ila balay, kag nag-bakwit man ang mga empleyado sa isa ka opisina sang gobyerno para sa kaluwasan.

Sa subong, padayon nga ginabantayan sang mga otoridad ang sitwasyon kag gina-usisa ang posible nga epekto sang linog.