Padayon ang imbestigasyon sang mga kapulisan sa pagpangbuno sang suspek nga ginaalegar may nervous breakdown sa magpamilya sa Barangay Concepcion, Dumalag, Capiz.
Nahibaluan nga ginpadangat sa ospital ang mga biktima nga sanday Antonio Flores 62-anyos amay; asawa nga si Rosemarie Flores 59-anyos kag ila anak nga si RoseTone Flores 20-anyos matapos ginpangbuno sang suspek nga ila man paryente kag kaingud balay nga si Roberto Fabicon 44-anyos, ginaalegar nagasuprer sang nervous breakdown.
Sandig sa inisyal nga imbestigasyon sang Dumalag PNP nagapahuway ang pamilya Flores matapos makapanyaga sang hinali nga nagsulod ang suspek kasunod ang pagbuno sa ila.
Nag-angkon sang pilas sa nawala nga liog ang amay, samad sa kamot ang naangkon sang asawa kag pilas sa abaga naman ang naangkon sang ila anak.
Samtang gilayon nga gindala ang suspek sa Western Visayas Medical Center agud tsekyaron ang iya nga kondisyon.
Narekober naman sa ginluntaran sang insedente ang kutsilyo nga nagakaba sang 12 pulgada nga gingamit sa pagbuno sa mga biktima.
