ROXAS CITY – Ginhunong sa karsel sang Pontevedra Municipal Police Station ang magtiyo matapos nga ginaalegar nagsumbaganay kag nagtuga sang kinagamo sa Barangay Malag-it, Pontevedra, Capiz.
Ginkilala ang gumangkon nga si Ismael Blancaflor 24-anyos samtang ang tiyo naman amo si Rex Blancaflor 36-anyos kag lunsay mga residente sang nasambit nga lugar.
Sandig sa imbestigasyon sang Pontevedra Municipal Police Station nga nagaguwa nga ginapabati-batian sang gumangkon ang iya sini nga tiyo natuhoy sa problema sang ila pamilya sang hinali na lamang naguwa sa ila nga panimalay.
Ginapahayag nga nagsumbaganay ang magtiyo rason nga ginpakamaayo sang mga nagrespondi nga mga CVO’s nga dal-on sa police station ang nasambit nga magtiyo.
Nahibaluan nga yara sa idalom sang impluwensiya sang makahulubog nga ilimnon ang nasambit nga mag-tiyo.
