ROXAS CITY – Patay ang isa ka magulang matapos luthangon sang manghod sa Barangay Pangabat, Jamindan, Capiz.
Nag-angkon sang patal nga pilas sa lawas si Romulo Vista 70-anyos matapos ginluthang sang utod nga suspek nga nasal-an ang magulang nga iya kaaway.
Sa imbestigasyon sang Jamindan PNP nagaguwa nga nagalakat ang biktima para kuhaon ang hinuptan nga karabaw, sang hinali nga tiruhon sang suspek nga nagabantay sa pag-agi sang iya kaaway.
Matapos makita ang nagalakat nga tawo nga sa pagtan-aw sang suspek ang iya ginahulat nga kaaway, gilayon niya ini nga gintiro gamit ang 12 gauge shotgun.
Ulihi na sang nahibaluan ni Roger nga utod sini ang napatay kag indi ang iya nga kaaway.
Gilayon man nga nagsungka sa mga pulis ang suspek nga tuman ang paghinulsol.
Nahibaluan nga yara sa impluwensiya sang makahulubog nga ilimnon ang manghod nga suspek sang nagluntad ang krimen.
