ROXAS CITY – Patay ang 41-anyos nga magulang matapos lampusan sang tubo kag bun-on sang manghod sa ila balay sa Sitio Guiscan, Barangay Dacuton, Dumarao, Capiz.
Nag-angkon sang pilas sa ulo kag likod ang biktima nga si Jomar Clarin sang nasambit nga barangay matapos ginlampusan sang tubo kag ginbuno sang manghod nga si Aljer Clarin 24-anyos.
Nagaguwa sa imbestigasyon sang Dumarao Municipal Police Station nga magkaupod nga nag-abot ang mag-utod sa ila balay, apang bangud lunsay nakainum nakaangkon sang pagbaisay ang duha.
Ginkakibot na lamang sang biktima sang hinali siya nga lampusan sa ulo kasunod ang pagbuno sa iya nga likod.
Gilayon nga gindala sa ospital ang biktima apang gindeklara nga dead on arrival.
Samtang madasig naman nga nagpalagyo ang suspek kag karon gina-ayam na sang mga kapulisan.
