ROXAS CITY – Ginpakigbahin sang isa ka residente ang isa sa problema sang ila Sitio ang mahigko kag barado nga kanal, ilabi na sa karon nga tig-ululan kag uso ang balatian nga dengue.
Sa paglibot sang Bombo Patrol 101 sa Barangay, nakuhaan atensyon ang nasambit nga kanal sa Sitio Pagutok, Barangay Dayao, Roxas City kun sa diin, wala naga-ilig ang tubig kag maitom ang tubig nga nagapundo diri.
Sa interview sang Bombo Radyo kay Christopher Depeña, ginpahayag sini nga namunuhan naman ini sang pila nila ka kasilingan, apang wala gid lamang napalab-ot sang pormal sa ila opisyal sa barangay.
Nagalaom ang mga ini, nga maaksyunan ang nasambit nga problema sa ila Sitio.
Sa pihak nga bahin, sang ginkuhaan sang opinyon si Depeña sa kun pabor nga ipaiway ang SK kag Barangay Elections sa Disyembre, suno diri nga dapat madayon ang nasambit nga eleksyon.
