Ginkumpirma ni Republican kag anay US Vice President Dick Cheney nga iboto niya si Democratic presidential candidate VP Kamala Harris sa Election sa Nobiyembre sa subong nga tuig.
Ini ang kasunod sang pag-endorso sang iya bata kag anay Republican Representative for Wyoming nga si Liz Cheney subong nga semana.
Matandaan, nagserbe si Cheney bilang ika-46 nga Ikaduha nga Presidente sang Amerika sa idalum sadto ni Republican President George W. Bush sumugod 2001 tubtob 2009.
Sa isa ka statement, ginpahayag sang anay Bise Presidente nga ginakabig man bilang ma-impluwensiya nga personalidad sa kasagsagsan sang pagpamuno ni President Bush, nga wala pa suno ang indibidwal nga nangin pagpamahog sa republika sang Amerika maluwas kay Donald Trump nga sa karon pambato sang Republican Party sa presidential elections.
