Ginbuyagyag ni Maine Mendoza nga na-inlove sya sa anay ka-love team nga si Alden Richards sang kasagsagan sang ila nga tambalan nga AlDub. Natabo ini samtang sila ang yara sa kasikatan sa isa ka noontime show, pila na ka-tuig ang nakaligad.
Sa isa ka podcast episode, ginpamangkot ini kun pareho sila nga duha ni Alden Richard nga nag-ako sang tagsa ka mga balatyagon. Suno kay Maine, gin-ako nya ang iya nga nabatyagan kay Alden apang wala ini sya ginpangaluyagan. Nagapabilin lang sila nga mag-abyan.
Dugang pa sini, ginpamangkot nya si Alden kun ano ang matuod sini nga nabatyagan apang suno sa iya, wala ini sang maathag nga sabat. Sa pihak sini, ginbaton ni Maine ang sitwasyon kag nagpabilin sila nga may maayo nga pag-updanay.
Ginsiling man ni Maine nga naistoryahan nila ang tanan kag nag-angkon sila sang closure. Wala man sila nangin magkahagugma, nangin malapit sa gihapon sila sa isa kag isa sa likod sang kamera.
Ang tambalan nga AlDub nangin sikat sang 2015 kag nangin dako nga kabahin sang pop culture. Nagtakop ini sang 2018 sang magbulagay sila sang dalan sa showbiz. Si Maine ang sa karon kasal na kay Arjo Atayde, samtang si Alden ang nagapabilin nga pribado ang iya nga love-life.
