Ginhabuyan sang mga masakit nga tinaga sang netizen ang host nga si Maine Mendoza-Atayde matapos ginpakigbahin sini ang iya “random thoughts” angut sa mga tawo nga nagapapicture sa public figures kag naga-request pa nga kuhaon ang suksok nga face mask.
Base sa post ni Maine nga “Random thought dahil ang daming may sakit ngayon.”
Apisar nga madamo ang nagpabor sa iya, isa ka netizen naman ang nagbuya sang malain nga tinaga kag nagblock pa sa host.
Ginpakigbahin naman ni Maine ang screenshots sang post kag X account sini matapos siya nga i-block.
Makit-an man sa bio sang amu nga netizen ang nabutang nga “I am Not A Perfect Person, But I know How To Respect.” rason nga ginkwestyon ni Maine nga “roldan paano”?
Bangud sini, nakakuha ini sang nagkalain-lain nga reaksyon kag komento.
Samtang, wala pa sang update si Maine kung plano sini nga ipapangita ang user sa likod sang X account.
