Nagtuga sang mainit nga pagbayluhanay sa tunga sang private prosecutor nga si Atty. Mae Divinagracia kag abogado sang depensa nga si Atty. Mark Vinluan may kaangtanan sa pamaagi sang pagpangusisa sang testigo sang AMLC.
Ginkwestyon ni Vinluan ang pagpangusisa sang prosekusyon nga suno sa iya daw kaangay nga nagahatag sang testimonya sa baylo nga pabay-an mismo ang witness nga magsabat.
Suno sa iya, yara ang witness agud maghatag sang iya kaugalingon nga testimonya gani indi dapat ang prosecution lawyer ang magsupply sini.
Gin-athag ni Divinagracia nga ginahimo lamang nila ini agud mapadasig ang proceedings, ilabi na nga madamo sang pahina sang mga dokumento nga gin-istoryahan sa hearing.
Suno kay Divinagracia, sa mga nakaligad nga testimonya, may mga tinion nga nagpamatok ang pihak nga bahin kun gin-istoryahan sang witness ang mga impormasyon nga nasaad na sa dokumento.
