Ginpangunahan ni Senate President Vicente “Tito” Sotto III ang pinakauna nga majority caucus sang Senado kahapon nga adlaw.
Ang pagsinapol gintambungan sang mga yabi nga katapo sang mayorya nga ginalakipan nanday Senate Majority Leader Juan Miguel Zubiri, Senate President Pro Tempore Panfilo Lacson, Deputy Majority Leaders Risa Hontiveros kag JV Ejercito, kag sanday Senators LorenLegarda, Sherwin Gatchalian, Kiko Pangilinan, Bam Aquino, Erwin Tulfo, Raffy Tulfoy kagMark Villfoy.
Suno kay Zubiri, bag-o lang nag-abot sanday Lito Lapid kag Pia Cayetano, samtang naka-maternity leave naman si Camille Villar.
Samtang, ginpanginwala naman ni Senador Imee Marcos ang mga alegasyon nga nagapreparar ang minority bloc sang kontra-kudeta batuk sa liderato ni Sotto.
Pahayag pa ni Sen.Risa Hontiveros nga ginpatigayon ang nasambit nga pagsinapol sa tunga sang mga report nga may ginaalegar plano nga kudeta sang minorya nga tuyo nga hangkaton ang karon nga pamunuan sang Senado.
Matandaan nga sang nagligad lang may post nga nagalapta nga ang Senate Minority Leader nga si Alan Peter cayetano ang magabulos kay Sotto nga gintawag nga fake news sang mgayara sa majority bloc.
