Nagapati si Kabataan Partylist Representative Renee Louise Co nga isa ka importante nga tikang ang pagboto sang mayorya sang mga kongresista nga pabor sa impeachment complaint batok kay Vice President Sara Duterte.
Sa interview sang Bombo Radyo Roxas kay Co, iya ginpahayag nga indi mahapos ang gin-agyan sang mga complainant antes mapalab-ot liwat ang impeachment process sa House of Representatives, nga nagbukas sang posibilidad nga mapasaka ang kaso sa Senado nga magaserbe nga impeachment court para sa actual nga trial.
Dugang pa niya, apisar madamu pa ang proseso makabig na ini nga isa ka daku nga tikang padulong sa ginahandum nga hustisya.
Nagalaum man ang mamamalidha nga magapadayon ang positibo nga resulta kag masiguro ang patas nga hearing sa masunod nga bahin sang proseso sa Senado.
