Ginpanindugan sang Makabayan Bloc nga mas ginpili nila kuntani nga gintago ang artikulo nga naga-angot sa confidential funds sa impeachment trial ni Vice President Sara Duterte.
Sa interview sang Bombo Radyo kay France Castro, anay ACT Teachers Party-list, iya ginpahayag nga sa temprano nga hugnat sang impeachment trial, kumpyansa sila nga mapamatbatan sang impeachment si Duterte bangud sa mga iregularidad nga nakit-an sa paggamit sang confidential funds.
Suno kay Castro, nakibot man ang ila grupo sa desisyon sang House prosecution panel nga indi pag-ipursue ang tatlo sa apat ka artikulo sang impeachment, lakip ang mga alegasyon may kaangtanan sa confidential funds, bribery kag grabe nga pamahog.
Apang kumpiyansa ang grupo sa desisyon sang piskalya nga isentro ang kaso sa Article II nga naga-angot sa gin-alegar wala mapaathag nga manggad sang Bise Presidente kag nagalaum nga ini ang magaserbe nga balasehan sa pagkonbikto kay Duterte sa impeachment trial.
