Nagakabalaka si ACT Teachers Party-list Representative Antonio Tinio sa amat-amat nga pagnubo sang numero sang mga senator-judges nga nagapasakop sa impeachment trial bangud sa mga kaso nga ginapangatubang sang iban sa ila.
Sa interview sang Bombo Radyo kay Tinio, ginpahayag sini nga posible may epekto ini sa bahin sang voting threshold ukon numero sang boto nga kinahanglan para sa conviction sa impeachment trial.
Suno kay Tinio, importante nga mangin klaro kon paano i-base ang kinahanglanon nga numero sang boto kun may mga senator-judges nga indi makapartisipar sa trial.
Dugang pa sang natungdan, dapat siguraduhon nga ang proseso sang pag-isip sang mga boto mangin maathag kag nagasanto sa Konstitusyon antes ang pinal nga desisyon sa impeachment trial himuon.
