Nagakabalaka ang Makabayan bloc sa malawig nga impeachment trial ni VP Sara Duterte bangud sa posibleepekto sini sa mga testigo, ebidensya, kag interes sang publiko.
Sa interview sang Bombo Radyo kay former ACT Party-list Representative France Castro, nga miyembro man sang Makabayan bloc, iya ginpahayag nga posible nga may mga witness nga maga-atras ukon maga-withdraw kon maglawig ang proseso sang impeachment trial.
Suno kay Castro, posible man nga maapektuhan ang kredibilidad ukon authenticity sang mga ebidensya nga ginpresentar sa tion sang trial.
Madumduman nga ang impeachment proceedings batok kay Vice President Sara Duterte ang natalana nga magalawig sang kabug-usan nga 92 ka adlaw nga trial days sa diin 62 ka adlaw ang gintalana para sa prosecution kag 30 ka adlaw para sa defense.
Bangud sini, nagalaum ang natungdan nga mapalip-ot ukon ma-compress ang trial schedule agud mapadasig ang pagresolbar sang kaso kag importante nga mapasanyog ang transparency kag accountability nga wala ginasakripisyo ang nagakaigo nga proseso sang impeachment, nga para man sa kaayuhan sang pumuluyong Pilipino.
