Nagalaum ang progresibo nga grupo nga indi makaapekto ang kaso nga ila ginapangatubang sa nagapadayon nga impeachment trial kay Vice President Sara Duterte.
Sa interview sang Bombo Radyo kay France Castro, anay ACT Teachers Partylist Representative, iya ginpahayag nga ang mga kaso nga ginpasaka batuk kay VP Sara ang resulta sang iya ginhimo kag desisyon samtang yara sa pwesto.
Suno kay Castro, wala sang iban nga basulon si VP Sara kundi ang iya kaugalingon bangud ang mga kaso nga iya ginapangatubang ang may kaangtanan sa iya katungdanan sa pwesto.
Ginpanindugan sini nga dapat istoryahan sing separado ang mga kaso kriminal kag impeachment proceedings agud indi maatrasar ang pagpadayon sang trial.
Madumduman nga nagpaguwa sang arrest warrant ang Quezon City Regional Trial Court batuk kay VP Sara may kaangtanan sa kaso nga grave threats.
