Nagalaum ang Makabayan bloc sa patas nga accountability sang mga opisyal nga may kaangtanan sa unprogrammed appropriations sang 2024 kag 2025 national budget nga gindeklarar sang Korte Suprema nga unconstitutional.
Sa interview sang Bombo Radyo kay France Castro, former ACT Teachers Party-list Representative, iya ginpahayag ang paglaum nga manabat ang mga opisyal nga may kaangtanan sa nasambit nga pondo.
Suno kay Castro, importante nga masiguro ang accountability sa paggamit sang kwarta sang publiko, ilabi na sa mga probisyon sang national budget nga ginkwestyon kag gindeklarar nga unconstitutional sang Korte Suprema.
Pahayag pa niya, nagalaum ang grupo nga mangin transparent kag bukas sa publiko ang proseso sang review agud madeterminar ang mga opisyal nga dapat manabat base sa ila papel sa pag-aprubar kag implementasyon sang nasambit nga mga probisyon.
Nagalaum man ang grupo nga ang desisyon sang Korte Suprema ang magaserbe nga basehan agud mapabaskog ang accountability sa paggamit sang pondo sang gobyerno kag mapunggan ang pagsulit sang kasubong nga mga isyu sa palaabuton nga national budget.
