Nagalaum ang Makabayan Bloc nga magapadayon ang matinlo kag episyente nga sistema sa Senado kasunod sang pag-ilis sang liderato sini.
Sa interview sang Bombo Radyo kay former ACT Teachers Party-list Representative France Castro, iya ginpahayag nga bastante na ang tatlo ka beses nga pag-ilis sang Senate President.
Suno kay Castro, importante nga may yara sang stability sa pamunuan sang Senado agud mapadasig ang paghinun-anon kag pagpasar sang mga hagna nga makabulig sa mga Pilipino.
Pahayag pa niya, tion na nga untaton ang mga isyu sa pulitika kag mga drama nga naga-delay sa trabaho sang Senado, kag sa baylo magtutok sa importante nga mga hagna kag programa nga kinahanglanon sang pungsod.
Nagalaum man ang natungdan nga sa idalom sang bag-o nga liderato sang Senado, mas mapabaskog ang kooperasyon sang mga Senador kag mas unahon ang kaayuhan sang mga pumuluyo.
