Nagpanawagan ang Makabayan Coalition sa Senado nga padasigon ang progreso sang
impeachment trial kay Vice President Sara Duterte agud gilayon nga mabuyagyag sa publiko
ang kamatuoran angut sa mga isyu nga ginapangatubang sang
Bise Presidente.
Sa interview sang Bombo Radyo kay France Castro, former ACT Teachers
Party-list representative, iya ginpahayag nga importante nga indi na pagpalawigon pa ang trial agud malikawan ang pagpangduha-duha sang publiko sa demokratiko nga institusyon sang pungsod.
Suno kay Castro, makaalarma ang dalagan sang una nga bahin sang trial kun sa diin
naglawig sang tatlo ka adlaw ang cross-examination sa una nga witness sang prosekusyon.
Pahayag pa niya, ang malawig nga pagpangusisa ang nagatuga lang sang delay sa bug-os nga proseso sang impeachment trial.
Nagpanindugan man ang natungdan nga dapat madasig, patas, kag transparent ang
impeachment trial agud mapabilin ang pagsalig sang publiko sa proseso kag sa mga
demokratiko nga institusyon sang pungsod.
