Nagapati ang Makabayan Bloc nga ang testimonya sang isa ka opisyal sang Philippine Statistics Authority (PSA) ang makapabug-at sa kaso nga impeachment ni Vice President Sara Duterte.
Sa interview sang Bombo Radyo kay France Castro, former ACT Teachers Partylist Representative, iya ginpahayag nga dako nga puntos para sa prosekusyon ang pagpungko sa witness stand ni Philippine Statistics Authority (PSA) Assistant National Statistician Marizza Grande.
Suno kay Castro, nagguwa sa testimonya ni Grande nga ang pila sa mga pangalan nga gingamit sa acknowledgement receipts ang halos wala naga-exist, samtang ang iban ang mga menor de edad ukon patay na.
Pahayag pa niya, kun ini lang ang basehan, bastante na ini nga ebidensya agud ma-convict ang bise presidente.
Dugang pa sang natungdan, pagkatapos sang pagpresentar sang ebidensya, dapat man hatagan sang atensyon ang threshold ukon numero sang boto sang mga senator-judges nga kinahanglanon agud mangin legal ang desisyon sang Senate Impeachment Court.
