Wala na nakibot ang Makabayan bloc sa pagpanag-iya sang mga armas-luthang ni Vice President Sara Duterte kag ang iya asawa nga si Atty. Manases Carpio.
Ini matapos mag-atubang bilang testigo si Police Major Joericson Sangalang sang Philippine National Police Firearms and Explosives Office sa ika-30 nga adlaw sang impeachment trial ni Duterte.
Sa interview sang Bombo Radyo kay France Castro, former ACT Teachers Party-list Representative, iya ginpahayag nga ginapaabot na nila ang pagpanag-iya ni Duterte sang mga armas, ilabi na bangod pareho man sini ang iya amay nga si former President Rodrigo Duterte.
Suno kay Castro, mahimo ini nga isa sa mga rason kon ngaa wala nahadlok ang bise presidente nga maghimo sang mga pahayag nga ginakabig nga pagpamahog.
Nagalaum man ang natungdan nga mangin importante nga ebidensya ang impormasyon nahanungod sa mga armas sa mga articles of impeachment nga ginatubang ni Duterte.
