Nagapati ang Makabayan bloc nga involved si Vice President Sara Duterte sa pila ka mga negosyo apisar nga wala direkta nga makita ang pangalan sini sa corporate records.
Sa interview sang Bombo Radyo kay former ACT Teachers Party-list Representative France Castro, iya ginpahayag nga posible gamiton ang isa ka trustee ukon iban pa nga tawo agud magpakita nga indi direkta nga konektado si Duterte sa isa ka negosyo, gani importante nga usisaon ang matuod nga pagpanag-iya kag kontrol sang mga kompaniya nga may kaangtanan diri.
Suno kay Castro, ginpahayag sang witness nga wala sa incorporation records kag General Information Sheets sang GenCorp Industries Inc. ang pangalan ni Duterte, samtang ang JTC Group of Companies Philippines Inc. ang nalista nga major subscriber kag representative sini nga si Jaime Cruz.
Ginpahayag man sang prosekusyon nga mahimo nga may indirect interest ini sa GenCorp pinaagi sa JTC kon kontrolado niya ang nasambit nga kompaniya, apang wala pa napamatud-an nga may direkta nga kontrol si Duterte sa JTC.
Nagalaum ang grupo nga indi mabuyagyag ang tanan nga kompaniya nga lakip ang pangalan sang Vice President agud makita sang publiko kun sa diin nagakadto ang kwarta nga dapat yara sa public treasury.
