Isa ka makeup artist gikan sa U.K ang nagbutang sang bag-o nga Guinness World Record matapos ginputos ang iya bug-os nga lawas sang linibo ka mga rhinestones.
Ang artist nga si Holly Murray nangin pinakaulihi nga record holder para sa titulo nga “Most Rhinestones on the Body” pagkatapos nga naggamit sang 74,880 ka mga rhinestones. Ginhimo niya ini para sa iya pagpakita sa Italian TV show nga Lo Show dei Record.
Suno kay Holly, ang bug-os nga proseso sang pagdikit sang mga rhinestones naglawig sang 15 ka oras, nga kaupod ang anum ka mga miyembro . Agod masiguro nga “head-to-toe” ang make-over.
Dugang pa nga nagsuksok pa siya sang bald cap agod ang mga bato sa iya ulo mangin mahapos man.
Sulit naman ang ila nga kakapoy sang nagpaindis-indis si Holly sa entablado, nga nakakuha sang atensyon paagi sa iya nagasilak nga suksok.
Nahibaluan nga si Holly isa ka self-taught makeup artist nga may duha ka milyon nga mga followers online, nga kilala sa iya makeup transformations kag makatilingala nga mga Halloween looks.
