-- ADVERTISEMENT --

Nagtay-og ang magnitude 6.0 nga mabaskog nga linog sa bahin sang Bogo, Cebu sang maga-aga sang Lunes, Oktubre 13, suno sa Philippine Institute of Volcanology and Seismology (PHIVOLCS).

Sa report sang ahensya, nag-igo ang linog takna la-1:06 sang kaagahon kag may kadalumon nga 10 kilometro. Suno sa PHIVOLCS, ang nasambit nga pagtay-og ang resulta sang tectonic, sa diin nga tuga ini sang paghulag sang mga fault line sa idalom sang duta.

Yari naman ang narekord nga instrumental intensities sa pila ka lugar:

  • Intensity V – Villaba, Leyte
  • Intensity IV – Danao, Asturias, Argao City, Talisay, Cebu City (Cebu); Isabel, Leyte; Hilongos, Ormoc City, Abuyog (Leyte); kag Hinunangan (Southern Leyte)

Nagpaandam ang PHIVOLCS sang posibilidad sang mga aftershock kag ginalauman man ang posible nga halit nga matuga sang linog.