-- ADVERTISEMENT --
Bukas naman ang Malacañang sa mga proposal nga amyendahan ang Juvenile Justice and Welfare Act kasunod sang mga insidente nga involved ang mga menor de edad, lakip na ang pagpangluthang sa Tacloban City.
Suno kay Palace Press Officer USec. Claire Castro, nagadepende sa bersyon sang hagna kag epekto sini sa kaayuhan sang mga pamatan-on kun bala suportahan ini ni President Ferdinand Marcos Jr.
Dugang pa ni Castro, isa sa mga kakulangan nga nakita sa subong sang kasuguan amo ang indi bastante nga pagpatuman sang mga intervention programs para sa mga kabataan nga involved sa krimen.
