-- ADVERTISEMENT --

Gin-athag sang Malacañang nga indi deklarado nga holiday ang Pebrero 18.

Ini bangud ini ang una nga adlaw sang Ramadan, ang ika-siyam nga bulan sang Islamic Lunar Calendar.

Suno kay Palace press officer Undersecretary Claire Castro, wala sang deklarasyon sang holiday sa una nga adlaw sang Ramadan.

Sa nasambit nga Ramadan period, ang tanan nga mga Muslim sa bug-os nga kalibutan may yara sang mga ritwal nga ila ginasunod kaangay sang pagpuasa halin sa kaagahon tubtub sa pagtunod sang adlaw.

Kadungan man sa nasambit nga adlaw amo ang Ash Wednesday ukon pagsugod sang kwaresma.

-- ADVERTISEMENT --