Nagpaguha sang paathag ang Malacañang angut sa Muslim holiday sa Lunes, Enero 27, bilang pagsaulog sang Isra Wal Miraj, ukon ang Night Journey kag Ascension sang Propeta nga si Muhammad.
Ginkumpirmar ini ni Executive Secretary Lucas Bersamin nga ang holiday ang igapatuman lamang sa Bangsamoro Autonomous Region in Muslim Mindanao (BARMM) kag iban pa nga mga Muslim nga lugar suno sa Muslim Code.
Samtang sa National Capital Region (NCR) naman, gintugutan nga mag-absent sa trabaho ang mga Muslim.
Ang holiday ang base sa Muslim Personal Laws, partikular ang Article 169 sang Presidential Decree No. 1083 nga ginpasa sang 1977. Kilala man ini pinaagi Civil Service Commission (CSC) Resolution No. 81-1277 nga gin-isyu sang 1981.
Ang Isra Wal Miraj ang isa ka importante nga event sa Islam nga nagamarka sang pagpadulong ni Propeta Muhammad nagikan sa Mecca padulong sa Jerusalem (Isra) kag ang iya pagsaka sa langit (Miraj) sa sulod sang isa ka gab-i.
Kalakip sa mga obserbasyon ang mga espesyal nga pangamuyo, pagninilay sa Quran, kag paghatag sang importansya sa espiritwal nga kahulugan sang nasambit nga selebrasyon.
Apisar indi ini isa ka pampungsudnon nga holiday, ang pagsaulog sang Isra Wal Miraj sa Enero 27 ang importante sa pagsamba sang mga Muslim nga ginkilala sa pila ka mga rehiyon base sa layi sang Pilipinas.
