Gina-reject sang Malacañang ang paglaragway sang international media sa Pilipinas nga ‘ISIS training hotspot kasunod sang pagpadulong sa pungsod sang mag-amay nga suspek antes ang mass shooting sa Australia.
Una ginkumpirma sang Bureau of Immigration nga Nobyembre 1 nagsulod sa Pilipinas ang mag-amay nga sanday Sajid Akram, 50 anyos kag Naveed Akram, 24 anyos halin sa Australia.
Base sa reports suno kay Sandoval, ginapahayag nga sa Davao ang final destination sang mag-amay.
Nagbiya sa pungsod ang duha sang Nobyembre 28 pinaagi sa connecting flight nagikan sa Davao pakadto sa Manila kag sa Sydney ang ila final destination.
Nagpanawagan si Palace Press Officer Undersecretary Claire Castro sa foreign media nga mangin maid-id kag mangin responsible sa pagpaguwa sang statement bangud makaapekto ini sa integridad kag imahe sang Pilipinas.
