Malacañang, ginahulat pa ang kumpirmasyon sa natalana nga pag-istoryahanay sa tunga sang DFA kag China‎

‎Ginahulat pa sang Palasyo ang kumpirmasyon halin sa Department of Foreign Affairs (DFA) naangot sa natalana nga pag-istoryahanay nanday Chinese Foreign Minister Wang Yi at Foreign Affairs Secretary Ma. Theresa Lazaro.
‎

‎Suno kay kay Palace Press Officer Usec. Claire Castro, kun matabo man ang pag-istoryahanay, manami ini nga balita.
‎

‎Apang, gin-athag man ni Castro nga indi buot-silingon nga mauntat na ang Pilipinas sa pakigbato sang kinamatarong kag interes sa West Philippine Sea.
‎
‎Ginpanindugan ni Castro nga dapat ipaagi sa diplomasya nga pag-istorya sa iban nga pungsod samtang padayon nga ginapakigbato ang teritoryo sang Pilipinas.
‎