Ginbaton na sang Malacañang ang opisyal nga resignation ni Department of Information and Communications Technology (DICT) Secretary Henry Aguda.
Mismo si Ombudsman Boying Remulla ang nagkumpirma sang kasubong nga pormal nga tikang sang Palasyo subong nga adlaw.
Antes ang iya pagbiya sa pwesto, nagserbe si Aguda bilang pinuno sang DICT sa diin ginpangunahan niya ang nagkalain-lain nga digital transformation kag connectivity programs sa bug-os nga pungsod.
Wala pa sang opisyal nga pahayag ang Malacañang angut sa mga rason sang iya pagbiya sa pwesto ukon sin-o ang iga-appoint bilang tal-us ukon officer-in-charge (OIC) sa amo nga departamento.
Ginalauman nga magapagwa sang dugang nga impormasyon kag opisyal nga pahayag ang Palasyo kag ang DICT sa masunod nga mga inoras angut sa leadership transition sang ahensya.
