Gindeklara sang Malacañang ang Mayo 27, 2026 bilang regular holiday sa bug-os nga pungsod bilang pagdumdom sang Eid’l Adha ukon ang Feast of Sacrifice para sa mga Muslim.
Ginpirmahan ni Acting Executive Secretary Ralph Recto, pinaagi sa authority ni President Ferdinand Marcos Jr., ang Proclamation No.1264 nga nagatuyo nga mahatagan sang kahigayunan ang mga Muslim nga magsaulog sang importante nga okasyon.
Ang Eid’l Adha, nga kilala man nga Piesta sang Paghalad, nagadumdom sang katutom ni Ibrahim sa Dios sang ginsugo siya nga ihalad ang iya anak bilang pagtuman sa diosnon nga sugo.
Suno sa proklamasyon, ginrekomenda sang National Commission on Muslim Filipinos ang pagdeklara sang holiday base sa ginalauman nga petsa sang Eid’l Adha nga amo ang Mayo 27, suno sa Islamic lunar calendar.
Sa idalom sang kasuguan, ang regular holiday nagadala sang katumbas nga holiday pay para sa mga empleyado nga nagareport sa trabaho sa nasambit nga adlaw.
