Gin-anunsyo ni Palace Press Officer Undersecretary Claire Castro nga ang plunder case nga ginapangatubang ni Senador Rodante Marcoleta ang angot sa iya gin-alegar pag-ako nga nakabaton sang P75-million nga donasyon gikan sa tatlo ka donors sa tion sang iya pagpungko bilang kongresista.
Suno kay Castro, bisan pa nga nagapanindugan si Marcoleta nga ang kantidad wala naghalin sa pundo sang gobyerno, mahimo gihapon ini mahulog sa idalom sang mga probisyon sang plunder law nahanungod sa ill-gotten wealth—nga nagalakip sang pagbaton sang bisan ano nga pinansyal nga benepisyo nga naangot sa posisyon sa gobyerno sang isa.
Ginhingyo man ni Castro kay Marcoleta nga itugyan sa korte ang bagay kag tugutan ang sistema sang hustisya nga maglakat.
Pahayag pa niya nga kon may bastante nga ebidensya ang korte ang maghimo sang tikang indi ang mga hublag-protesta nga mahimo makahalit sa iban nga mga banwahanon—ang dapat magdesisyon sa kaso.
