Ginpabugal nga ginreport sang Malacañang ang ginpasangkad sang Philippine Health Insurance Corporation (Philhealth) ang mga benepisyo para sa mga pasyente nga nagasuprehir sang Malaria.
Suno kay Palace Press Officer USec. Claire Castro nga ini ang sabat sang gobyerno sa panawagan sang World Health Organization nga makig-isa batok sa Malaria.
Ginpahayag ni Castro nga nagikan sa nakaligad nga P780, ang benepisyo para sa diagnostic tests, bulong, kag konsultasyon ang ginpataas sa P1,170.
Sakop naman ang pagbulong sa uncomplicated malaria pinaagi sa P5,460 nga package sa primary care kag tubtob sa P7,800 para sa mga pasyente nga kinahanglan maospital.
Suno kay Dr. Edwin Mercado sang PhilHealth, ang bag-o nga malaria package kabahin sang mas ginpabaskog nga pagtinguha nga mangin mas madasig, mas barato, kag mas komprehensibo ang serbisyo sa ikaayong lawas para sa tanan.
Tinutuyo sini nga suportahan ang target sang pungsod nga lubos nga madula ang malaria sa tuig 2030.
Suno sa Palasyo, gindayaw nila ang padayon nga pagtutok sang administrasyon ni Marcos sa kaayuhan kag ikaayong lawas sang tagsa ka Pilipino, ilabi na sa atubang sang pagpamahog sang mga balatian kaangay sang malaria.
