Ginkumpirmar sang Office of the Executive Secretary nga nakaguha na sa Pilipinas si dismissed Bamban Tarlac Mayor Alice Guo.
Sa memorandum nga ginpaguha ni Executive Secretary Lucas Bersamin subong nga adlaw, nakasaad diri nga naglupad na si Guo padulong sa Malaysia, bag-o nagpauli sa pamilya sini sa Singapore kag nagbyahe padulong Indonesia, kun sa diin nagatugma sa una nga impormasyon nga ginpaguha ni Senator Risa Hontiveros.
Bangud diri ginmanduan ni Bersamin ang Department of Foreign Affairs kag ang Department of Justice nga kanselahpn na ang pasaporte ni Alice Guo o Guo Hua Ping.
Kalakip man sa ginapakansela ang pasaporte sang iya pamilya, partikular nanday Wesley, Sheila Guo kag Katherine Cassandra Ong.
Nagibaluan nga may yara na ginpaguha ang Senado nga arrest warrant batuk kay Guo kag sa iya nga pamilya, kag ginapa-cite in contempt naman ini sang House of Representative bangud sa napaslawan ini sa pagtambong sa hearing.
Maluwas pa ini sa kaso nga criminal nga ginpasaka sa iya bangud sa qualified trafficking kag iban pa nga kaso nga may kaangtanan sa POGO.
