Nagsabat naman sang Malacañang kag ginpanginwala ang pahayag ni Senate Minority Leader Alan Peter Cayetano nga posible ipaiway ang imbestigasyon sa ginaalegar flood control scam bangud sa impeachment trial ni Vice President Sara Duterte.
Suno kay Palace Press Officer Undersecretary Claire Castro, wala sang basihan ang alegasyon nga nakatutok lang ang gobyerno sa impeachment.
Suno sa iya, ang National Bureau of Investigation (NBI), Department of Justice (DOJ), kag Office of the Ombudsman padayon nga nagatrabaho sa nagkalainlain nga mga isyu sa accountability.
Ginpahayag man ni Castro nga wala gina-istoryahan ang impeachment sa mga sinapol sa tunga sang Presidente kag sang iya Gabinete.
Pahayag pa sini nga ang gobyerno padayon nga nagatrabaho agud manabat ang mga nadalahig sa anuman nga korapsyon.
