Gintawag sang Malacañang nga makahalam-ot ang mga alegasyon sang legal counsel ni Former President Rodrigo Duterte nga si Atty. Nicholas Kaufman batok kay President Ferdinand Marcos Jr.
Suno kay Presidential Communications Office (PCO) Undersecretary Claire Castro, wala sang basehan ang alegasyon ni Kaufman nga ginatinguhaan ni Marcos nga paluyahon ukon “neutralize” ang legasiya ni Duterte.
Suno pa sa siya, ang mga kaso nga crimes against humanity ang ginpasaka sang International Criminal Court sang 2017.
Dugang pa ni Castro, gin-ako sang isa sa mga abogado ni Duterte nga si Silvestre Bello III nga may yara sang insidente sang pagpamatay sa diin ginaalegar nga ginhaboy ang isa ka persona halin sa helicopter.
Pahayag pa niya, sa baylo nga magtutok sa political retoric, dapat tun-an ni Kaufman ang mga detalye sang kaso nga iya gina-atubang agud ma depensahan si Former President Duterte.
