Ginpasalig sang Malacañang nga preparado na ang tanan para sa ikalima nga State of the Nation Address (SONA) ni President Ferdinand Marcos Jr., nga natalana subong nga adlaw.
Suno kay Palace Press Officer Atty. Claire Castro, natapos na ang set up sang Radio Television Malacañang sa kamara para sa live streaming sang speech sang Presidente.
Ginpahayag ni Castro nga handom lamang sang Palasyo ang maayo nga panahon subong nga SONA agud indi maapektuhan ang mga natalana nga aktibidad.
Dugang pa sini nga natapos na sang Presidente ang iya speech nga iya mismo ginsulat.
Wala naman naghatag sang dugang nga detalye ang Palasyo angut sa kaundan sang speech ukon kun bala magahimo sang bag-o nga anunsyo ang Presidente ukon maga-address sang specific issues sa tion sang SONA.
Samtang, maga-umpisa naman ang SONA sang presidente alas 3 sang hapon subong nga adlaw.
